ОХУ Европ руу нийлүүлэх байгалийн хийн нийлүүлэлтээ аажмаар багасгахын хэрээр эрчим хүчний хямралд өртөх эрсдэл нь улам нэмэгдсээр буй Герман улс дэлхийн тав дахь том байгалийн хий үйлдвэрлэгч Канадаас улсад уг салбарт хамтран ажиллах хүсэлтийг тавьсан ч нааштай ч хариу авч чадсангүй.

Ройтерс болон Франс Пресс агентлагийн мэдээлснээр, Германы канцлер Олаф Шольц орон нутгийн цагаар 22-ны өдөр тус улсын бизнес эрхлэгчдийн хамтаар Канад улс дахь 3 хоногийн айлчлалаа эхлүүлэн ерөнхий сайд Жастин Трюдотой уулзсан талаар онцлон тэмдэглэсэн байна.

Канцлер Шольцын зүгээс шингэрүүлсэн хий нийлүүлэх боломжтой эсэх талаар Канадын талаас асуусан боловч ерөнхий сайд Трюдо эрчим хүчний хангамжийг нэмэгдүүлэхээр ихээхэн хичээж буйгаа мэдэгдсэн ч Герман руу шууд экспортлох бодолгүй байгаагаа шулуухан илэрхийлжээ.

Гэхдээ тэрээр "Бид Европ руу шингэрүүлсэн хий экспортлох боломжийг судалж байгаа” хэмээн дурдав.

ОХУ-ын төрийн өмчит байгалийн хийн Газпром компани энэ сарын 31-нээс дараа сарын 2-ны өдрийг дуустал 3 хоногийн турш Герман руу хий нийлүүлдэг “Умардын урсгал-1” хоолойн үйл ажиллагааг зогсоохоор болсноо мэдэгдээд байсан билээ.

Эх сурвалж: MBC