Ла Маншийн хоолойд усан доор 50 километр үргэлжилсэн урт төмөр зам Англи, Францыг холбон байрладаг. Eurotunnel Le Shuttle хэмээх тус төмөр замаар зорчиж байсан галт тэрэгт гэмтэл гарсны улмаас олон 10 иргэн туннел дотор гацсан хэрэг гарчээ.
Өчигдөр буюу Мягмар гарагт галт тэрэгний ослын дохиолол гэнэт дуугарч эхэлсэн байна. Улмаар үзлэг хийх шаардлагатай болсон бөгөөд шалтгааныг шуурхай олж чадаагүй. Тиймээс зорчигчдыг зэргэлдээх үйлчилгээний шугамаар 15 минут орчим алхуулан өөр тэрэгт суулгасан аж. Уг замаар энгийн үед таван цаг орчим зорчдог бол тэд ослын улмаас зургаан цаг зарцуулсан байна.
Тодорхойгүй байдалд орсон тэрхүү зөрүү нэг цагт зорчигчид багагүй сандарсан бөгөөд тэд үйлчилгээний туннелыг “аймшгийн” гэж тодорхойлжээ. “Бидэнд юу тохиолдохыг мэдэхгүй тэрхүү жихүүдэс хүрэм хоолойгоор далай доор алхах үед нэг талд эмэгтэй хүн уйлах сонсогдож, нөгөө талд өөр эмэгтэй цочролд орсон нь харагдаж байсан” хэмээн 37 настай зорчигч Сара Фелловс ярьсан юм. Eurotunnel-аас зорчигч тус бүртэй холбогдож хохирол нөхөн төлсөн гэж мэдэгдлээ.
Эх сурвалж: BBC