Apple-ийн ханган нийлүүлэгч компаниуд болох Luxshare Precision Industry, Foxconn нар Вьетнамын хойд хэсэгт Apple Watch-ийг туршилтын журмаар үйлдвэрлэж эхэллээ. Дараачийн удаа MacBook үйлдвэрлэхээр хэлэлцээр хийж байна.

Уг ухаалаг цагийг Хятадаас өөр газар үйлдвэрлэж буй анхны тохиолдол энэ юм. Вьетнамд iPad таблет, iPods чихэвч үйлдвэрлэдэг боловч Apple Watch-ийн хувьд илүү өндөр ур чадвар, дэвшилтэт технологи шаардагдана. Тиймээс туршилт амжилттай болбол Вьетнамд улам олон шинэ боломж нээгдэх юм.

Ерөнхийлөгч асан Дональд Трампын үед Вашингтон, Бээжингийн хооронд худалдааны дайн хурцдаж эхлэх үеэс эхэлж Apple бүтээгдэхүүн үйлдвэрлэлээ шат дараатайгаар Вьетнам руу шилжүүлж эхэлсэн билээ. Тэрчлэн Google, Dell, Amazon зэрэг технологийн тэргүүлэгч компаниуд үйлдвэрлэлээ Хятадаас тэлж төрөлжүүлэх зорилгоор Вьетнамыг чиглэж байна.

Эх сурвалж: Financial Times