Их Британийн засгийн газар орон нутгийн цагаар 24-ний өдөр Украинд 2000 дрон гэх мэт 54 сая фунт стерлингээр хэмжигдэх цэргийн тусламж үзүүлэхээ мэдэгдэв.
Их Британийн ерөнхий сайд Борис Жонсон Украины нийслэл Киев хотноо гэнэтийн айлчлал хийн ерөнхийлөгч Володимир Зеленськийтэй уулзах үеэрээ ийнхүү амласан талаар CNN болон BBC сувгууд онцлон тэмдэглэжээ.
Хуучин ЗХУ-аас салан тусгаарлаж тусгаар тогтнолоо зарласны 31 жилийн ой, ОХУ халдан түрэмгийлснээс хойш яг зургаа дахь сарын нүүрийг үзэж буй энэ өдөр ерөнхий сайд Жонсон Украинд 2000 дрон, төрөл бүрийн сум зэрэг томоохон хэмжээний зэвсэг, техникийн нэмэлт тусламж үзүүлэхээ ийнхүү мэдэгдсэн байна.
Энэхүү цэргийн дэмжлэг нь Украины армид хяналтыг сайжруулах, байг онох зэрэг дайны үйл ажиллагаанд ихээхэн нэмэр болно гэдэгт найдаж буйгаа тэрээр дурджээ.
Жонсон “Их Британи үргэлж Украинтай хамт байх болно. Украин улс уг дайнд ялах болно. Ялна гэдэгт тун итгэлтэй байна” хэмээн тэрээр үргэлжлүүлсэн байна.
Түүнчлээ ерөнхий сайд Жонсон уулзалтын дараа ерөнхийлөгч Зеленськийтэй хамтран хэвлэлийн бага хурал хийлгүүлсэн ба энэ үеэр тэрээр Украин Оросыг мохошгүйгээр эсэргүүцэж байгааг өндрөөр үнэлэхийн ялдамд эвлэрлийн гэрээ эсвэл энхийн хэлэлцээр хийх цаг болоогүй гэдгийг нөхөрсгөөр сануулжээ.
Эх сурвалж: Newsis