Хувцас загварын тэргүүлэгч компаниудын хувьд NFT орлогын томоохон эх үүсвэр болж байна. Тухайлбал, Nike 185 сая ам.доллар, Dolce&Gabbana 25 сая, Tiffany 12 сая, Gucci 11 орчим сая ам.доллар тус тус зөвхөн NFТ хувцасны борлуулалтаас олжээ. Бодит амьдралд өмсөх боломжгүй хувцас загварын салбар ирээдүйтэй харагдаж байна.
Тэдгээрээс хамгийн их ашиг олсон нь Nike брэнд юм. Тус компани 2021 оны арванхоёрдугаар сард web3 стратегиа дэмжих үүднээс NFT бүтээгч гарааны компани болох RTFKT-ийг худалдаж авсан. Улмаар тэдний алдарт CloneX хэмээх аватар дүрийн цувралын роялти эрхийг эзэмших болсон. Уг роялти эрхээ борлуулснаар 40 орчим сая ам.долларын орлого олсон ажээ.
Харин 2019 онд байгуулагдсан RTFKT-ийн хувьд NFT бүтээгч компани. Тэд хоёрдугаар сард виртуал дүрд өмсгөх 600 пүүз бүтээснээ ердөө долоон минут дотор худалдан дуусгасан бөгөөд 3 сая ам.долларын орлого олсон юм.
Эх сурвалж: NFT Gators