Apple компани ирэх сарын 7-ны өдөр шинээр гарч буй iPhone 14 ухаалаг гар утсыг танилцуулах арга хэмжээг зохион байгуулахаар болжээ.
Apple компани 9-р сарын 7-ны өдөр АНУ-ын баруун эргийн цагаар 10 цагт (Монголын цагаар 8-ны 1 цагт) Калифорниа мужийн Купертино хотод байрлах Apple Park-д энэхүү арга хэмжээг зохион байгуулахаар болсноо зарлан урилгаа тараасан байна.
Энэхүү арга хэмжээг "Far Out” хэмээн нэрлэсэн бөгөөд компанийн зүгээс уг арга хэмжээний талаар дэлгэрэнгүй мэдээлэл өгөөгүй байна.
Тус компани ихэвчлэн жил бүрийн 9, 10-р сард шинэ бүтээгдэхүүнээ танилцуулдаг бөгөөд энэ удаад ч iPhone ухаалаг утасны шинэ загварыг танилцуулах аж.
Уг арга хэмжээг цахим хэлбэрээр зохион байгуулахаар анх төлөвлөж байсан ч уламжлалт хэлбэрээр зочидтой зохион байгуулахаар шийджээ. Ингэснээр гурван жилийн дараа анх удаа уламжлалт хэлбэрээр зохион байгуулан интернэт орчинд шууд дамжуулалт хийхээ мэдэгджээ.
iPhone 14 ухаалаг утас нь ирэх сарын дундуур АНУ-д хамгийн түрүүнд худалдаанд гарах ба дараа нь дэлхийн бусад орнуудад худалдаалахаар төлөвлөж байна.
Эх сурвалж: YTN