Өмнөд Солонгосын Korea Hydro & Nuclear Power Co төрийн өмчит компани ОХУ-ын “Росатом” төрийн өмчит компанитай хамтран Египетийн шинэ атомын станц барих төсөлд ажиллахаар болсон тухай Солонгосын Эрчим хүчний яам мэдээллээ.
Өмнөд Солонгос 2.2 тэрбум ам.долларын дүнтэй гэрээний дагуу Египетийн “El Dabaa” атомын цахилгаан станц барих төсөлд барилга, тоног төхөөрөм, эд материал нийлүүлнэ. Мөн 2023-2029 онуудад уг станцын үндсэн болон туслах байгууламжуудыг барих юм.
Харин “Росатом” компани уг төслийн барилгын ажлыг нэг сарын өмнө эхлүүлсэн. Каираас баруун хойд зүгт 300 километр зайд орших тэрхүү Египетийн анхны атомын цахилгаан станц нь тус бүр 1.2 гигаватт хүчин чадалтай дөрвөн реактортай байх юм.
Солонгосын Худалдааны дэд сайд Пак Ил Жун “Өмнөд Солонгос улс Оростой хамтран ажиллах энэхүү хэлэлцээрийн талаар АНУ-тай нягт зөвлөлдсөн” хэмээн өгүүллээ.
Эх сурвалж: Bloomberg
Солонгос Америкаар амьдралаа заалгаад арчаагүй монгол хоёулангаар нь заалгаад