Загварын бизнес салбарт хачирхалтай боловч өндөр үнэтэй гар цүнх 17 дугаар зуунаас худалдаалагдаж эхэлсэн. Харин өнөөдөр JW Anderson брэндийн тагтаан цүнх 890 ам.доллар, Balenciaga брэндийн хогны уут шиг гар цүнх 1,790 ам.доллар, Judith Leiber-ийн уруулын будаг хэлбэртэй болор цүнх 5,450 ам.долларын үнээр худалдаанд гарсан байна.

Balenciaga-ийн хогны уутнаас санаа авсан дээрх цүнх ганц долоо хоногийн дотор брэнддээ авч ирсэн хэвлэл мэдээллийн нөлөөллийн үнэ цэнийг 2 сая ам.доллар хэмээн тооцжээ. Чинээлэг загвар өмсөгчид “жигтэй” хувцас, эдлэлийн тухай ярих дуртай. Харин өндөр үнэтэй, дээд зэрэглэлийн брэндүүд загварын хүрээллийн анхаарлыг татсанаар брэндийнхээ үнэ цэнийг өсгөдөг юм.

Тэрчлэн, “хачирхалтай бүтээгдэхүүний дуулианаар тухайн брэндийн вэбсайтаар зочилсон хүмүүс өөр зүйл худалдан авах тохиолдол элбэг” хэмээн Дрекселийн их сургуулийн жижиглэн худалдааны хөтөлбөр хариуцсан захирал Жозеф Хэнкок хэллээ.

Өвөрмөц хачин хэлбэр дүрсээрээ хамгийн өндөр амжилт олсон цүнхийг америк дизайнер агсан Жудит Лейбер бүтээсэн. Түүний нохой, байшин, доллар зэрэг төрөл бүрийн эд зүйлсийн хэлбэртэй гар цүнхнүүд жижиглэн худалдаанд олон мянган ам.доллароор үнэлэгдэж байна.

Эх сурвалж: The Hustle