АНУ болон БНХАУ-ын хооронд Энэтхэг-Номхон далайн бүс нутагт ноёрхлоо тогтоохын төлөөх өрсөлдөөн ширүүсч буй энэ үед АНУ-ын засгийн газар Австралид 1,95 тэрбум ам.доллароор үнэлэгдэх цэргийн зориулалттай “Black Hawk” нисдэг тэргийг нийлүүлэх зөвшөөрлийг олгожээ.
Пентагоны зүгээс “Австрали улс 40 ширхэг “UH-60M Blackhawk” цэргийн нисдэг тэрэг худалдан авах хүсэлт гаргасан бөгөөд гол гүйцэтгэгчээр Lockheed Martin компани ажиллах болно”хэмээн мэдэгдсэнийг Ройтерс агентлаг онцлон хүргэв.
Өмнө нь АНУ нь Их Британи, Австрали хамтран гурван талт аюулгүй байдлын “AUKUS” түншлэлийг байгуулж, Австралид цөмийн шумбагч онгоцны технологийг Их Британитай хамтран нийлүүлэхээр тохиролцсон билээ.
Түүнчлэн өнгөрөгч тавдугаар сард АНУ Австралид зөөврийн пуужин харвагч зэрэг 3.1 тэрбум ам.долларын өртөг бүхий зэвсэг худалдах зөвшөөрөл олгож, улмаар цөмийн шумбагч онгоцонд техникийн дэмжлэг үзүүлэхээр шийдвэрлэсэн юм.
Эх сурвалж: MBC