Өнгөрөгч долоо хоногийн пүрэв гарагт Франц улсын ерөнхийлөгч Эммануэль Макрон Алжир улсад гурав хоногийн хугацаатай айлчлалаа эхлүүлжээ. Айлчлалын хүрээнд Францын эрчим хүчний Энжие ЭсА компанийн гүйцэтгэх захирал Катерин МакГрегор ерөнхийлөгч Эммануэлийг дагалдсан байна.
Тийнхүү хатагтай МакГрегор айлчлалын үеэр Алжирын төрийн өмчит Сонатрак компанийн тэргүүн болон тус улсын эрчим хүчний сайдтай уулзжээ. Уулзалтын хүрээнд талууд Алжир улсын Францад нийлүүлэх байгалийн хийн хэмжээг нэмэгдүүлэх боломжийн тухай хэлэлцсэн байна.
Үйл явдлын хүрээнд Франц улсын засгийн газрын хэвлэлийн төлөөлөгч Оливиер Веран дипломат хэлэлцээрийг үргэлжилж байгаа гэж мэдэгдсэн юм. Харин Францын Европ 1 радио сувгаас хийн хэмжээг 50 орчим хувиар нэмэгдүүлнэ гэж мэдэгдсэн бол ноён Вераны зүгээс энэ тухайд тодорхой мэдээлэл өгөөгүй ажээ.
Франц улсын хувьд байгалийн хийн нийт импортын 8 орчим хувийг Алжир улсаас татан авдаг юм.
Эх сурвалж: Bloomberg