Даваа гарагт Оросын газрын тосны Татнефть компани хагас жилийн тайлангаа танилцуулжээ. Тайлангаас үзвэл энэ оны эхний зургаан сарын хугацаанд Татнефть компани нийт 139.88 тэрбум рублийн ашигтай ажилласан байна.
Энэ нь өнгөрсөн оны мөн үетэй харьцуулахад даруй 52 хувиар өссөн үзүүлэлт юм.
Харин татвар төлөхөөс өмнөх ашгийн хэмжээг авч үзвэл 196 тэрбум рубльд хүрсэн бөгөөд үүнийг 2021 оны эхний зургаан сарынх нь ашигтай харьцуулбал 68 хувиар өссөн байна.
Тийн өндөр ашигтай ажилласан компанийн хагас жилийн орлогыг сонирхоход нийт 790.8 тэрбум рубльд хүрч, 2021 оны эхний хагасын орлоготой харьцуулбал 42 хувиар өссөн юм.
Ташрамд дурдахад Татнефть компани нь газрын тос олборлолтын хэмжээгээрээ Оросын хамгийн том 10 компанийн нэгд тооцогддог ба компанийн 34 хувийг Бүгд Найрамдах Татарсан эзэмшдэг байна.
Эх сурвалж: ТАСС