Бямба гарагт БНСУ-ын Төв банкны ерөнхийлөгч Ри Чан Ёны мэдэгдсэнээр тэд инфляцын түвшнийг буурах хүртэл бодлогын хүүгээ өсгөнө гэжээ.
Түүний хэлснээр, “Бидний хувьд засгийн газраас хараат бусаар үйл ажиллагаагаа явуулдаг ч Холбооны Нөөцийн сангаас хамааралтай ажилладаг. Тиймээс Холбооны Нөөцийн сан бодлогын хүүгээ өсгөсөөр байвал манай үндэсний мөнгөн тэмдэгтийн ханшийг унагах сөрөг дагавартай учир бид тэднээс өрсөж бодлогын хүүг нэмэхээ зогсоож чадахгүй” гэсэн юм.
Өмнөд Солонгосын Төв банкны хувьд Холбооны нөөцийн сангаас урьдаар бодлогын хүүгээ өсгөсөн ч дээрх шалтгааны улмаас цаашид ч бодлогын хүүгээ өсгөх гэнэ.
Ноён Ригийн хэлж байгаагаар тус улсын инфляцын өсөлтөд нөлөөлж буй гол хүчин зүйл бол эрчим хүчний үнэ бөгөөд инфляц гадны нөлөөтэйгөөр өсөж байгаа тул бодлогын хүүг өсгөхөө зогсоох тодорхой хугацааг зааж чадахгүй юм.
Эх сурвалж: Nikkei Asia