Ковид-19 вакцин үйлдвэрлэгч Moderna компани гол өрсөлдөгч болох Pfizer болон Германы эм үйлдвэрлэгч BioNTech компаниудыг технологи хуулбарласан хэрэгт буруутган шүүхэд өгсөн.
Moderna-ийн мэдүүлснээр Pfizer, BioNTech-ийн таваас дээш настай хүүхдэд ковидоос сэргийлэх зорилгоор хийж болдог Comirnaty вакцин нь Moderna-ийн Spikevax хүүхдийн вакцинд ашиглаж буй технологийг хуулбарласан гэв. Moderna тэрхүү mRNA технологио долоон жилийн өмнө патентжуулсан байсан хэмээн мэдэгдэж Pfizer, BioNTech компаниудыг АНУ-ын Холбооны шүүх болон Германы шүүхэд зэрэг мэдүүлжээ.
“Бид өөрсдийн технологийг хамгаалахын тулд нэхэмжлэл гаргасан. Харин ард иргэдийн дархлаажуулалтын явцад нөлөөлөх, Pfizer-ийн вакцинуудыг зах зээлээс гаргах зорилгогүй" хэмээн Moderna-ийн гүйцэтгэх захирал Стефан Бансел хэллээ.
Pfizer-ийн хэвлэлийн төлөөлөгч уг нэхэмжлэлд “маш их гайхаж” буйгаа илэрхийлсэн. Тэд вакцинаа бүтээхдээ хуулбарлаагүй, дотооддоо хөгжүүлсэн гэв.
Эх сурвалж: AP