Apple-ийг GlobalStar хэмээх хиймэл дагуулын үйлчилгээ үзүүлдэг компанитай нууцаар хамтран ажилласан хэмээх таамаг гарсан. Уг таамгийн тайллыг ирэх есдүгээр сарын 7 өдөр шинэ Iphone-ийн нээлтийн үеэр зарлаж магадгүй юм.

GlobalStar компани 2020 оноос эхэлж нэгэн нууцлаг компанитай хамтран ажиллаж эхэлжээ. Тухайн компанийн нэрийг дурдаагүй боловч “манай компанийн хөрөнгө, хүчин чадлыг ашиглан үзүүлж болох боломжит үйлчилгээг үнэлж байна” хэмээн мэдэгдсэн юм. Тэрхүү үнэлгээнд 430 сая ам.доллар зарцуулсан байгаагаас харахад маш том компанитай хамтарсан нь тодорхой байв. GlobalStar сүүлд “нууцлаг компани” нь 17 шинэ хиймэл дагуул худалдан авах гэрээ байгуулсан бөгөөд 300 сая ам.доллар төлөөд байна гэж мэдээлсэн. Үүнээс хэдхэн сарын дараа буюу энэ зуны эхэн үед “дэлхийн хэмжээний үүрэн холбооны компанитай харилцаа холбооны шинэ сүлжээ нэвтрүүлэх” чиглэлд хамтран ажиллаж байна гэж зарласан юм.

Шинжээчид тус “том" компанийг Apple хэмээн итгэлтэй хэлэлцэж байна. Улмаар iPhone-ийн шинэ гар утаснуудаа хиймэл дагуултай холбох бэлтгэл ажлаа хийж байж хэмээн таамаглалаа. Ийнхүү таамаглах болсны гол шалтгаан нь нэрээ нууцалсан нэгэн эрхэм тухайн үед Bloomberg-т “Apple компани хөдөлгөөнт төхөөрөмждөө хиймэл дагуулын холболт нэмэх талаар судалж байна” гэж мэдээлж байсантай холбоотой.

GlobalStar компанийн хувьд сүүлийн 10 жилийн дүнгээр ашиггүй ажиллаж буй боловч өмнө нь Nokia and Qualcomm компаниудтай хамтарч байсан туршлагатай, сансрын тусгай зөвшөөрөлтэй байгууллага юм. Тэд Apple-тай түншилж чадвал дампуурах эрсдэлээс гарах төдийгүй өрсөлдөөнд оролцох боломжтой. Эдгээр таамаг үнэн эсэхийг ирэх есдүгээр сарын 7 өдрийн Apple-ийн ээлжит шинэ бүтээгдэхүүн танилцуулах үйл ажиллагааны үеэр тодруулах болно.

Эх сурвалж: Quartz