Даваа гарагт Данийн ачаа тээвэр, логистикийн Maersk компанийн мэдэгдсэнээр тэд ОХУ-ын зах зээлийг орхих ажлаа гүйцээж, Оросын Глобал Портс группт эзэмшиж байсан хувьцаагаа худалдсан гэжээ.
Мэдэгдэлд өгүүлснээр, “Maersk компанийн терминалын бизнес болох APM Terminals компани Глобал Портс Хөрөнгө Инвестмент групп дэх 30.75 хувийн хувьцаагаа урт хугацааны түнш Дело Группт худалдах боллоо.
Бидний зүгээс хувьцааны шилжүүлгийг урт хугацааны хамтрагч Делогийн хамтаар төлөвлөгөөний дагуу гүйцэлдүүлж, Глобал Портс Инвестмент группээс ном журмын дагуу гарах нөхцөлийг бүрдүүлж өгсөнд баяртай байна” гэсэн юм. Харин Maersk компанийн зүгээс хувьцаагаа ямар үнээр худалдсан тухайд тодорхой мэдээлэл өгөөгүй ажээ.
Үйл явдлын хүрээнд Глобал Портс Инвестмент группээс мэдэгдсэнээр, “Цаашид APMT компани ОХУ-д үйл ажиллагаа явуулж буй аливаа аж ахуйн нэгжийн үйл хэрэгт оролцохгүй бөгөөд тус улсад ямар нэг хөрөнгө эзэмшихгүй” хэмээсэн байна.
Эх сурвалж: ТАСС