Мягмар гарагт ОХУ-ын байгалийн хий, газрын тосны Газпром компани Seeburger мэдээллийн платформ дээр нэгэн мэдэгдэл хийжээ.
Мэдэгдлээс үзвэл Газпром өнөөдөр буюу наймдугаар сарын 31-ний өдөр Москвагийн цагаар 04:00 цагаас есдүгээр сарын 3-ны өдрийг хүртэл Норд Стрим хийн шугамыг хаах болсон байна.
Тэдний зүгээс хийн шугамыг хаах болсон шалтгаанаа одоогоор ашиглалтад байгаа цор ганц хийн шахуургыг засварлах болсонтой холбон тайлбарласан юм.
Улмаар лхагва гарагийн 03:00 цагаас хойш тус хийн шугамаар дамжуулан хий шахахыг зогсоосон байна.
Хэрэв засварын ажил амжилттай дуусаж, өөр ямар нэг эвдрэл гэмтэлгүй болбоос Газпром Европ тив рүү өдөрт 33 сая шоо метр хий нийлүүлэх боломжтой болох гэнэ.
Эх сурвалж: ТАСС