БНХАУ өнгөрсөн онд хамгийн их хөрөнгө оруулалтыг Бразил улсад хийсэн гэсэн судалгаа гарчээ.

Бразил-Хятадын бизнесийн төв орон нутгийн цагаар 31-ний өдөр нийтэлсэн тайландаа, Хятадаас өнгөрсөн онд Бразилд оруулсан хөрөнгө оруулалт 5 тэрбум 900 сая ам.доллар болсон нь 2017 оноос хойших хамгийн өндөр үзүүлэлт болсон тухай онцлон тэмдэглэв.

Тайланд дурдсанаар, Хятад улс нь өнгөрсөн онд Бразилд мэдээлэл технологи, газрын тос, эрчим хүч, санхүү зэрэг салбарт хөрөнгө оруулалт хийсэн нь 2020 онтой харьцуулахад хоёр дахин (208%) нэмэгдсэн байна.

Түүнчлэн БНХАУ-ын зүгээс дэлхийн бусад улс оронд хийсэн хөрөнгө оруулалтын хэмжээгээр Бразил улс 13.6 хувиар тэргүүлсэн бол Нидерланд 10 хувь, Колумб 9 хувиар тус тус удаалжээ.

Салбараар нь авч үзвэл, Хятадын Бразилд оруулсан нийт хөрөнгө оруулалтын 85 хувийг газрын тосны салбар эзэлж байгаа юм.

CEBC-ийн судлаач Тулиокариелу "Хятад улсын хийж буй хөрөнгө оруулалт нь урт хугацааны бөгөөд төлөвшсөн байдаг билээ. Бразил бол чухал хэрэглээний зах зээлээр тогтохгүй чадварлаг ажиллах хүч, харьцангуй тогтвортой эдийн засагтай эдийн засгийн хувьд тун чухал бүс юм” хэмээн дурджээ.

Эх сурвалж: JoongAng