Дэлхийн хамгийн том кофе шоп сүлжээ Starbucks шинэ гүйцэтгэх захирлаараа Лаксман Нарасимхан гэх эрхмийг томилжээ.
Лаксман Нарасимхан нь Энэтхэг-Америк гаралтай бизнес эрхлэгч бөгөөд Starbucks сүлжээний гүйцэтгэх захирлаар томилогдохоос өмнө Reckitt Benckiser гэх өргөн хэрэглээний бараа бүтээгдэхүүний үндэстэн дамнасан компанид гүйцэтгэх захирлаар ажиллаж байсан юм.
Үйл явдлын хүрээнд Recknitt Benckiser группээс пүрэв гарагт Лаксман Нарасимханыг гүйцэтгэх захирлын суудлаасаа бууж байгаа гэж мэдэгджээ.
Тийнхүү Лаксман Нарасимхан ирэх сарын нэгний өдрөөс эхлэн Starbucks-ийн гүйцэтгэх захирал болж, дөрөвдүгээр сараас албан ёсоор ажлаа хүлээн аван захирлуудын зөвлөлд элсэх гэнэ.
Starbucks компанийн хувьд өдгөө маш эгзэгтэй цаг үе дээрээ ирсэн байгаа тул Лаксман Нарасимханыг гүйцэтгэх захирлаар томилох нь тун оновчтой алхам гэж үзэж байгаа юм. Харин тус компанийн өмнөх гүйцэтгэх захирал Ховард Шульц Лаксман Нарасимханд суудлаа хүлээлгэж өгсний дараа Starbucks-ийн удирдах зөвлөлийн гишүүнээр ажиллах ажээ.
Эх сурвалж: CNN