Тайвань Хятадын заналхийллийн эсрэг томоохон хэмжээний цэргийн сургуулилалт эхлүүлж байгаа талаар орон нутгийн хэвлэлүүд өнөөдөр мэдээллээ.

Тайванийн Төв Мэдээллийн Агентлагийн (CNA) мэдээлснээр, Тайванийн арми маргаашнаас буюу 5-ны өдрөөс 4 хоногийн хугацаанд Пинтунг мужийн өмнөд хэсэгт хуягт машин, байлдааны нисдэг тэрэг зэргийг оролцуулан "Ляньонгийн сургуулилалт"-ыг хийхээр төлөвлөжээ.

Уг сургуулилалтын хугацаанд Тайванийн арми зөвхөн танк, хуягт машин, миномётыг ашиглахаас гадна “AH-64 Apache”, “AH-1 Super Cobra” зэрэг довтолгооны нисдэг тэргийг дайчлахаар төлөвлөж байгаа аж.

“Ляньонгийн сургуулилалт” нь Хятадын түрэмгийлэлд бэлтгэх зорилгоор жил бүр зохион байгуулдаг “Хан Квангийн сургуулилалт”-ын дараа эрэмблэгдэхүйц томоохон сургуулилалт юм.

АНУ-ын Конгрессын Төлөөлөгчдийн танхимын дарга Нэнси Пелоси өнгөрсөн сарын 2, 3-ны өдрүүдэд Тайваньд айлчилсантай холбогдуулан Хятад улс Тайванийн хоолойн дунд шугамыг удаа дараа зөрчиж, агаарын довтолгооноос хамгаалах таних бүсэд нэвтэрсээр байгаа билээ.

Хамгийн сүүлийн жишээ гэхэд Хятадын хоёр "J-10" сөнөөгч онгоц өчигдөр Тайванийн хоолойн дунд шугамыг давсныхаа дараа зүүн тийшээ буцсан байна.

Эх сурвалж: MBC