Ням гарагт Кремлийн хэвлэлийн төлөөлөгч Дмитрий Песков удахгүй болох гэж буй Дорнодын Эдийн засгийн Форумыг тохиолдуулан ТАСС мэдээллийн агентлагт ярилцлага өгчээ.
Ярилцлагад тэрээр, “Барууны орнууд дотоод дахь компаниуддаа туйлын ил бөгөөд их хэмжээний дарамт үзүүлж байна. Энэ нь тэдгээр байгууллагууд манай улсад зохион байгуулагдах гэж буй форумд оролцохоос өгсүүлээд манай улсын нутаг дэвсгэрт үйл ажиллагаа явуулахад нөлөөлж байгаа юм.
Гаднын олон компани манай зах зээлийг орхисон. Тэдний үлдээсэн орон зайг манай дотоодын бизнесүүд, компаниуд нөхөж байна. Ингэснээр тэд өөрсдийн дураар ажиллаж, ашгаа шууд хүртэж байгаа.
Харин манай зах зээлийг орхиж буй компаниуд ноцтой их хэмжээний хохирол амсаж байгаа юм.
Бизнесийн ертөнцөд ямар ч хоосон орон зай үлдээж болдоггүй бөгөөд хоосон орон зай гарах л юм бол өөр ямар нэг аргаар дүүргэдэг” гэсэн байна.
Эх сурвалж: ТАСС