Хятадад цахилгаан автомашины эрэлт эрс нэмэгдэж буй тул батарей үйлдвэрлэлийн салбар даган эрс хөгжиж буй. Улмаар Хятадын BYD компани бүтээгдэхүүний гарцаараа долоодугаар сард Солонгосын LG Energy-ийг гүйцэж түрүүлэн дэлхийн хэмжээнд хоёрдугаар байрт эрэмбэлэгдсэн юм. Харин Хятадын CATL тус зах зээлд тэргүүлэгч байр сууриа хадгалсан хэвээр байна.

Долоодугаар сарын үзүүлэлтээс харвал, цахилгаан автомашин болон түүний батарейг үйлдвэрлэдэг BYD компани 6.4 гигаватт/цаг батарей үйлдвэрлэсэн байна. Харин зах зээлд тэргүүлэгч CATL нийт 13.3 гигаватт/цаг батарей нийлүүлжээ. Мөн Сөүлд төвтэй LG Energy 4.4, Японы Panasonic Holdings 2.9 гигаватт/цагийн хүчин чадлаар тус тус удаалж байна. Долоодугаар сарын байдлаар дэлхийн батарейн нийт борлуулалт 39.7 гигаватт/цаг болж өмнөх оны мөн үеэс 80 хувиар өсжээ.

Харин нэг жилийн үзүүлэлтээр тооцвол, дэлхийн батарей үйлдвэрлэлийн нийт зах зээлийн 34 хувийг CATL, 14 хувийг LG Energy, 12 хувийг BYD эзэлсэн хэвээр байна. Гэвч BYD-ийн үйлдвэрлэлийн гарц долоодугаар сараас эхлэн эрчимтэй нэмэгдэж буй тул жилийн дүнгээр дэлхийд аман хүзүүдэх цаг ойртож буй бололтой.

Эх сурвалж: Bloomberg