Мягмар гарагт Австралийн Төв банкнаас бодлогын хүүгээ дахин өсгөж, 2.35 хувьд хүргэжээ. Ингэснээр тус улс бодлогын хүүгээ таван сар дараалан өсгөсөн хэрэг болж байгаа юм.
Австралийн Нөөцийн Банкнаас тийнхүү бодлогын хүүгээ 50 суурь нэгжээр өсгөснөөр хүү 2.35 хувьд хүрсэн нь 2014 оны арван-хоёрдугаар сараас хойш бүртгэгдээгүй өндөр үзүүлэлт болжээ.
Тэдний зүгээс энэ оны дөрөвдүгээр сарыг хүртэл жил гаруйн хугацаанд бодлогын хүүгээ 0.10 хувьд барьсан ч тавдугаар сараас Холбооны нөөцийн банк бодлогын хүүгээ өсгөх болсноор хүүг чангатгах болсон юм.
Үйл явдлын хүрээнд Австралийн Нөөцийн банкны тэргүүн Филип Лювегийн хэлснээр бодлогын хүүг тийн нэмэх болсноор тэд инфляцыг тогтворжуулж, Австралийн эдийн засаг дахь эрэлт нийлүүлэлтийн харьцааг тэнцвэржүүлнэ гэжээ. Түүний анхааруулж байгаагаар Австралийн Нөөцийн банк цаашид ч бодлогын хүүгээ өсгөх юм.
Австралийн Нөөцийн банкнаас урьдчилан тооцож буйгаар тус улсын инфляц энэ онд 7.75 хувийг ялимгүй давж, 2023 онд 4 хувь гарч, 2024 оноос 3 хувь руу орж буурах гэнэ.
Эх сурвалж: Nikkei Asia