Rio Tinto компани Turquoise Hill-ийг бүрэн эзэмшихийн тулд үлдсэн 49 хувь хувьцааг 3.3 тэрбум ам.доллароор худалдан авах санал тавьсан. Turquoise Hill тус саналыг хүлээн авсан байна.
Улмаар Rio Tinto компани Монгол дахь Оюутолгой алт, зэсийн уурхайн 66 хувийг шууд эзэмшилдээ шилжүүлэх болно. Анх 2.7 тэрбум ам.доллар санал болгож байсан бол дараа нь 3.1 тэрбум болгон өсгөсөн бөгөөд эцэст нь 3.3 тэрбум ам.доллар дээр ийнхүү худалдан авахаар тохиролцоонд хүрлээ. Харин жижиг хувьцаа эзэмшигчдээс нэгж хувьцааг нь 43 канад доллароор худалдан авах санал тавьсан байна.
Хэлцэл хараахан бүрэн эцэслэх болоогүй. Turquoise Hill компанийн бүх хувьцаа эзэмшигчдийн 66.67 хувь нь уг худалдан авалтын гэрээг зөвшөөрсөн санал өгөх шаардлагатай. Мөн жижиг хувьцаа эзэмшигчдийн 50 гаруй хувь нь дэмжсэн санал өгөх учиртай. Улмаар 2022 оны дөрөвдүгээр улиралд хувьцаа эзэмшигчдийн ээлжит бус хурал хийхээр төлөвлөжээ.
Эх сурвалж: Yahoo Finance