Хятад улс Оросын байгалийн хийн импортоо нэмэгдүүлсээр байна. Саяхан “Сахалин-2” оператораас энэ оныг дуустал 50 хувийн хөнгөлөлттэй үнээр байгалийн хий худалдан авах гэрээ байгууллаа.
Хятадын Оросоос импортолсон шингэрүүлсэн байгалийн хийн нийт хэмжээ 2022 оны эхний хагас жилд нэг жилийн өмнөх үеэс 29 хувиар нэмэгдсэн байна. Улмаар ОХУ Украинд халдсанаас хойш Оросын эрчим хүчний хамгийн том хэрэглэгч орнуудын нэг боллоо. ОХУ баруунд түүхий нефть, байгалийн хий нийлүүлэхгүй болж буй нь Хятадад ашигтай тусаж байгаа тул цаашид Оросын эрчим хүчний бүтээгдэхүүнийг үргэлжлүүлэн худалдан авах өндөр сонирхолтой байгаа шинж ажиглагдсан хэмээн Bloomberg мэдээлжээ.
Хятад Оросоос байгалийн хий авч буй нь Европ, Ази дахь ханган нийлүүлэгчдийн спот зах зээл дээрх өрсөлдөөн буурахыг илтгэж байна. ОХУ хэд хоногийн өмнө “Умардын урсгал 1” хийн хоолойгоо тодорхойгүй хугацаагаар хааснаа зарласны дараа Нидерландын жишиг болсон Dutch TTF-ийн фьючерс ханш 28 хувир өссөн юм.
Гэвч Хятад улс байгалийн хийн илүүдэл нөөцөө Европ руу дамлан борлуулж байгаа мэдээлэл байна. Одоогийн байдлаар 4 сая орчим тонн LNG шингэрүүлсэн байгалийн хийг Европ тив рүү нийлүүлсэн аж. Үүнийг Хятадад ковидын хязгаарлалт үргэлжилж буйтай холбоотойгоор эрэлт буурсан гэж тайлбарлажээ
Эх сурвалж: Market Insider
Хятад байгалийн хийн ченж болох нь ээ
Өөр улсуудад зарахнээ