Netflix компани цаг үеийн нөхцөл байдалтай уялдуулан хатан хаан II Елизабетын амьдралаас сэдэвлэн Их Британийн хааны гэр бүлийн тухай өгүүлдэг цуврал киноныхоо зураг авалтыг түр хугацаанд зогсоох шийдвэр гаргажээ.
Netflix компани орон нутгийн цагаар 9-ний өдөр хийсэн мэдэгдэлдээ, хүндэтгэл үзүүлэх үүднээс бид “The Crown” цуврал киноны зураг авалтыг мөн өдөр болон хатан хаантай албан ёсоор салах ёс гүйцэтгэх өдөр түр зогсоохоор болсныг Associated Press агентлаг мэдээлсэн байна.
Английн хаан сэнтийд 70 жил заларсан хатан хаан II Елизабет өнгөрөгч 8-ны өдөр Шотландын Балморал шилтгээнд гэр бүлийнхнийхээ дэргэд амьсгал хураасан хэмээн Букингемийн ордны зүгээс мэдэгдсэн одоогоор оршуулах ёслолын тов хараахан гараагүй байгаа юм.
Netflix компани ирэх 11-р сард "The Crown" цувралын 5 улирлыг дамжуулах бөгөөд 6-р улирлын зураг авалт одоогоор ид хийгдэж байгаа аж.
Тус цувралын 1, 2-р улиралд залуу гүнж Элизабет өсч том болж хатан хааны сэнтийд заларсан талаар гардаг бол 3, 4-р ангиудад хатан хааны идэр насны амьдралын талаар өгүүлдэг билээ.
Эх сурвалж: Fnnews