Өмнөд Солонгос улс энэ жил ч түрүү жилийн адилаар АНУ-ын үхрийн махны хамгийн том импортлогч болжээ.
АНУ-ын Хөдөө аж ахуйн яам болон Мах экспортлогчдын холбооны (USMEF) орон нутгийн цагаар 10-ны өдөр мэдээлснээр, Өмнөд Солонгос улс энэ оны эхнээс өнгөрөгч 7-р сар хүртэл АНУ-аас 167,874 тонн буюу 1.693 тэрбум ам.доллароор хэмжигдэх үхрийн мах импортлосон нь хэмжээ болон мөнгөн дүнгээр аль аль нь дэлхийд тэргүүлсэн байна. Энэ нь өнгөрсөн оны мөн үетэй харьцуулахад (162,086 тонн, 1,266 тэрбум ам.доллар) импортын хэмжээ 4 хувиар өссөн бол мөнгөн дүн 33 хувиар тус тус өссөн үзүүлэлт юм.
Импортолсон хэмжээнээс илүүтэйгээр мөнгөн дүн асар их өссөн явдал нь цар тахлын дэгдэлт удаан үргэлжилсэнтэй холбоотойгоор үхрийн махны үнэ их хэмжээгээр өссөнтэй холбоотой гэж дүгнэсэн байна. Өмнөд Солонгосын араас энэ онд АНУ-аас үхрийн мах хамгийн их хэмжээгээр импортолсон орнуудаар Япон (152,658 тонн), Хятад, Хонконг (139,409 тонн), Канад (55,918 тонн), Мексик (48,530 тонн) зэрэг орнууд удаалжээ.
Харин мөнгөн дүнгээр тооцвол тус улсын араас, Хятад, Хонконг (1.394 тэрбум ам.доллар), Япон (1.145 тэрбум ам.доллар), Тайвань (49513 сая ам.доллар), Канад (48396 сая ам.доллар) гэх мэтчилэн эрэмблэгдсэн ба Хятад болон Хонгконг Японыг ардаа орхисон байна. Тодруулбал, Хятад болон Хонконгийн АНУ-аас импортолсон үхрийн мах өнгөрсөн оны мөн үетэй харьцуулахад хэмжээ нь 18 хувиар, үнийн дүн 39 хувиар тус тус өссөн байх юм.
Эх сурвалж: Asiae