БНХАУ нөөцөлсөн гахайн махны нөөцөөсөө гаргаж зах зээлд нийлүүлсэн хэдий ч өнгөрөгч сад тус улсад гахайн махны үнэ дахин өсжээ.

Баасан гараг БНХАУ-ын Үндэсний Статистикийн хорооноос мэдээлснээр наймдугаар сард Хятад улс дахь хэрэглэгчийн үнийн индекс 2.5 хувьд хүрч, долоодугаар сарын үзүүлэлтээс 0.2 хувиар буурсан ч тус улсад худалдаалагдах гахайн махны үнэ 2021 оны мөн үетэй харьцуулахад даруй 22.5 хувиар өссөн байна. Улмаар гахайн мах Хятадын инфляцын өсөлтийн хүрээнд үнэ нь хамгийн их өссөн хүнсний бүтээгдэхүүн болжээ.

Зах зээл дээрх гахайн махны эрэлтийг хангахаар Хятад улсын засгийн газраас нөөцийн махаа худалдаанд гаргасан ч гахайн мах худалдаач хэлж байгаагаар хэрэглэгчид шинэ мах авч хэрэглэхийг илүүд үзэж байгаа гэнэ. Тиймээс нөөцийн махыг худалдаанд гаргах нь нэг их нэмэр болохгүй гэжээ.

БНХАУ-ын хувьд гахайн мах өнгөрөгч тавдугаар сараас хойш тасралтгүй өсөж байгаа юм. Тийнхүү холбогдох албаныхнаас гахай үржүүлэгч нарыг нядалгааны ажлаа хурдлуулахыг уриалж, гахайг нядлахгүй нөөцлөх, үнийн хөөргөдөл үүсгэхгүй байхыг анхааруулжээ.

Эх сурвалж: Nikkei Asia