Тогтвортой хөгжлийн зорилгыг олон нийтэд сурталчлан таниулах, сайн туршлага, шинэлэг санаачилга, хөгжлийн шийдлийг түгээн дэлгэрүүлж, урамшуулах, 17 зорилгын хэрэгжилтэд олон нийтийн оролцоог нэмэгдүүлэх үүднээс Монгол дахь Нэгдсэн Үндэстний Байгууллага, Монгол Улсын Эдийн засаг, хөгжлийн яам, Гадаад харилцааны яам, Нийслэлийн Засаг даргын Тамгын газар, Монголын Үндэсний худалдаа, аж үйлдвэрийн танхим хамтран “Тогтвортой хөгжлийн зорилго” өдөрлөгийг 2022 оны 9 дүгээр сарын 10-ны өдөр Сүхбаатарын талбайд зохион байгуулав.
Энэхүү өдөрлөгийн хүрээнд төрийн, төрийн бус, хувийн хэвшлийн, боловсролын болон Монгол улсад үйл ажиллагаа явуулж буй олон улсын байгууллага, төсөл хөтөлбөр зэрэг нийт 120 байгууллага ТХЗ-д чиглэсэн үйл ажиллагаа, ололт амжилт, үр дүнг танилцуулсан юм.
Zangia.mn нь 600,000 гаруй гишүүн, 10,000 гаруй харилцагч байгууллагатай бөгөөд “Хөдөлмөрийн яармаг 2022” арга хэмжээнд хүрэлцэн ирсэн зочдод Zangia.mn-нд хэрхэн бүртгүүлэх, ажлын байранд CV-ээ илгээх, ажлын санал хүлээж авах заавар зөвлөгөө өгсөн ба Zangia Academy-ийн хувь хүний хөгжил, ажлын байрны чадвар болон гадаад хэлний сургалтыг үнэгүй суралцах боломж, хүссэн аудио ном, хичээлээ үнэгүй сонсох боломжтой Zangia Audio төслийн талаар танилцуулсан юм.