Даваа гарагт Японы нэгэн хэвлэл мэдээллийн хэрэгслээр мэдээлж байгаагаар тус улс эдийн засгаа дэмжих зорилгоор өдөрт хүлээн авах гадаад жуулчдын тоон хязгаарлалтаа цуцалж магадгүй гэжээ.
Засгийн газрын Хэрэг эрхлэх газрын дэд дарга Сэйжи Кихарагийн хэлснээр ам.доллартой харьцах ханш нь суларч буй иений ханшийг эргүүлэн чангатгах хамгийн үр дүнтэй арга бол дотоод дахь аялал жуулчлалыг хөгжүүлэх гэсэн байна.
Өнгөрсөн долоо хоногт иений ам.доллартой харьцах ханш сүүлийн 24 жилийн хугацаан дахь хамгийн сул үнэлгээнд хүрснээр тус улсын засгийн газрын зүгээс иений ханшийг чангатгах арга замуудыг эрэлхийлэх болсон юм.
Япон улсын хувьд өнгөрөгч хоёр жилийн хугацаанд коронавирусийн цар тахлаас үүдэн гадаадын жуулчдыг хилээр нэвтрүүлэхдээ ихээхэн чанга журам баримталсан билээ. Үүгээр ч зогсохгүй 2020 оны Токиогийн Олимпын үеэр тэд жуулчин хүлээж аваагүй юм. Тийнхүү өнгөрөгч сард тэд өдөрт хүлээн авах жуулчдын тоогоо нэмж, жуулчдыг заавал аяллын хөтөчтэй явахыг шаардаад байснаа больсон билээ. Тэгвэл удалгүй тэд өдөрт хүлээн авах жуулчдын тоондоо хязгаар тогтоохоо больж магадгүй ажээ.
Эх сурвалж: BBC