Google-ийн инженерүүд газрын гадаргаас сансар огторгуйг хамарсан уудам оройн зайд ажиллах, өндөр хурдны харилцаа холбооны сүлжээ нууцаар хөгжүүлж байжээ.

Minkowski хэмээх нэрээр сэмхэн хөгжүүлж байсан тус төслөө Google өнөөдөр буюу Даваа гарагт компанийн нууцын зэргээс гарган олон нийтэд дэлгэсэн юм. Тэгэхдээ төслийн өмнөх нэрийг өөрчлөн Aalyria хэмээн компанийнх нь нэрээр танилцууллаа.

Google уг гарааны компани Aalyria-гаа яг хэзээ үүсгэн байгуулсан, хэдэн ажилтантай зэрэг тодорхой мэдээлэл өгөхөөс татгалзлаа. Гэвч “Aalyria компани газар дэлхий, тэнгис далай, агаар мандал, сансар огторгуйн уудам орон зайг бүхэлд нь хамарсан харилцаа холбооны хэт өндөр хурдтай, хэт өндөр хамгаалалттай, дээд зэргийн нарийн цогц сүлжээ" удирдан зохицуулна хэмээн зорилгоо танилцуулсан юм.

Тус зорилгодоо хүрэхийн тулд харилцаа холбооны лазер технологи ашиглах ажээ. Aalyria “Өнөөдрийн байдлаар дэлхийд нээн илрүүлсэн бүх зүйлээс илүү хурдан бас илүү өргөн хүрээг хамарч чадна” хэмээн тодорхойллоо. Тэрчлэн, Aalyria АНУ-ын Батлан ​​хамгаалах яамны салбар Инновацын төвтэй 8.7 сая ам.долларын арилжааны гэрээ байгуулжээ. Гэвч Google тус компани бүхэлд нь эзэмшихгүй. Тодорхой хувийг арилжих юм. Google сүүлийн 10 жилд бүртгүүлсэн хэд хэдэн оюуны өмчөө энэхүү шинэ компани дуугаа шилжүүлсэн гэж мэдэгдлээ.

Эх сурвалж: CNBC