БНХАУ-ын дарга Ши Жиньпин энэ сарын 14-16-ны өдрүүдэд Казахстан болон Узбекистан улсуудад айлчлал хийх ба энэ нь түүний цар тахлын хямралаас хойших гадны орнуудад хийж буй анхны айлчлал болох юм.
БНХАУ-ын ГХЯ-ны хэвлэлийн төлөөлөгч Хуа Чүньин хэлэхдээ, Ши дарга энэ сарын 15-16-ны өдрүүдэд Узбекистаны Самаркандад болох Шанхайн хамтын ажиллагааны байгууллагын дээд хэмжээний уулзалтад оролцох бөгөөд Казахстан болон Узбекистанд төрийн айлчлал хийнэ хэмээн мэдэгджээ.
Тэрээр эхлээд 14-нд Казахстанд айлчлах бол дараа нь Узбекистанд очих гэнэ.
ОХУ-аас Хятадад суугаа Элчин сайд хэлэхдээ, Ши Жиньпин дарга энэ үеэр ОХУ-ын ерөнхийлөгч Владимир Путинтэй дээд хэмжээний уулзалт хийхээр болсон талаар мэдэгдсэн билээ.
Ши Жиньпин 2020 оны 1-р сард буюу цар тахал ид дэгдэж эхлэхээс өмнө Мьянмарт айлчилснаас хойш 32 сарын турш гадны орнуудад айлчлал хийгээгүй юм.
Эх сурвалж: MBC