Британийн эдийн засгийн өсөлт долоодугаар сард таамаглалаас доогуур үзүүлэлттэй байлаа. Улмаар эдийн засгийн хямрал хэдийн эхэлсэн байж болохыг сануулав.
Британид цахилгааны үнэ өссөн нь эрчим хүчний салбарт, барилгын материалын ханш нэмэгдсэн нь бүтээн байгуулалтын салбарыг уналтад ороход хүргэв. Инфляцын түвшин 40 жилийн дээд цэгт тулж 10 хувиас давсан хэвээр байна. Дотоодын нийт бүтээгдэхүүн долоодугаар сар хүртэлх нэг сарын хугацаанд 0.4 хувь тэлнэ гэж таамаглаж байсан боловч хоёр дахин бага буюу 0.2 хувиар нэмэгдлээ. Харин долоодугаар сар хүртэлх гурван сараар тооцож үзвэл Британийн ДНБ өсөлтгүй гарсан хэмээн өчигдөр буюу Даваа гарагт албаны эх сурвалж мэдээлсэн юм.
Эдийн засгийн эдгээр үзүүлэлтийг харахад есдүгээр сарын эдийн засгийн төлөв агшсан байдалтай харагдаж улмаар Их Британийн эдийн засаг техникийн хямралд орсон талаар албан ёсоор зарлахад хүрч болзошгүй тухай дэлхийд тэргүүлэгч санхүүгийн байгууллага PwC-ийн эдийн засагт Жейк Финни хэллээ.
Эх сурвалж: Reuters