Даваа гарагт ОХУ-ын ерөнхийлөгч Владимир Путин энэ оны эцэс гэхэд Оросын инфляц түвшнийг 12 хувьд хүрнэ гэж найдаж байгаагаа хуваалцжээ.
Түүний хэлснээр, “Бидний зүгээс инфляцын өсөлтийг маш хурдан тогтворжуулж чадсан. Дөрөвдүгээр сард манай улсын инфляцын түвшин 17.8 хувьд хүрсэн ч есдүгээр сарын 5-ны өдрийн байдлаар инфляц 14.1 хувьтай байна. Улмаар энэ оны эцэс гэхэд инфляц 12 хувьд хүрэхгүй гэх шалтгаан үгүй юм.
Миний зүгээс ОХУ гаднаас ирж буй дарамт шахалт, санхүүгийн болон технологийн түрэмгийллийг маш сайн даван туулж байгааг цохон тэмдэглэмээр байна. Тэдний эдийн засгийн blitzkrieg буюу богино хугацаанд ялалт авчрах зорилготой компанит ажлын тактик амжилттай хэрэгжээгүй. Энэ нь хүн бүрийн хувьд тодорхой байгаа” гэжээ.
Эх сурвалж: ТАСС