Румыны ерөнхий сайд Николае Чиука орон нутгийн цагаар 13-ны өдөр тус улсын нийслэл Бухарестад айлчлал хийж буй Молдавын ерөнхий сайд Наталья Габрилитатай уулзах үеэрээ, Молдав руу байгалийн хий нийлүүлэх, тээвэрлэхэд "боломжтой бүхнийг хийнэ" хэмээн амласан байна.
Энэхүү уулзалтаар хоёр улсын удирдагчид Румынаас Молдав улсад үзүүлж буй эрчим хүч, байгалийн хий болон мөнгөн тусламж зэргийг эргэн харж, цаашид хэрэгжүүлэх төлөвлөгөөг шинэчлэн боловсруулахаар тохиролцсон хэмээн Румыны засгийн газар мэдэгдэв.
Тодруулбал, Румыны засгийн газар эрчим хүчний тулгамдсан асуудалтай холбоотойгоор одоо байгаа дэд бүтцийн байгууламжуудаас гадна дунд болон урт хугацааны төлөвлөгөөний дагуу цахилгаан хангамжийн шинэ шугам татахаар шийдсэнээ онцлон тэмдэглэсэн юм.
Мөн хоёр улсын ерөнхий сайд нар хилийн бүсэд ачаа тээврийн хэмжээ нэмэгдэж буйн улмаас тээвэрлэлтийн асуудал үүсч байгааг харгалзан цаашид логистикийн саадгүй үйл ажиллагааг дэмжин хилийн шалган нэвтрүүлэх боомтуудыг нэмж байгуулахаар шийдснээ мөн энэ үеэр дурдсан байна.
Эх сурвалж: Newsis