Лхагва гарагт Кремлийн хэвлэлийн төлөөлөгч Дмитрий Песков хэвлэлийнхэнд хандан мэдэгдэл хийхдээ дэлхийн хэрэглэгчид Европын Холбооны байр суурийг эзэлж, Оросын байгалийн хийг худалдан авахаар дугаарлаж байна хэмээжээ.
Түүний тодорхойлсноор, “Европ байгалийн хийн цор ганц хэрэглэгч биш бөгөөд өндөр хурдтай хөгжихийн тулд байгалийн хий хэрэгтэй байгаа цорын ганц тив биш юм. Европ тивээс илүү амбицтай хөгжлийн хөтөлбөртэй, илүү хурдацтайгаар ахиц дэвшил гаргаж байгаа бүсүүд бий. Тэдгээр бүс нутаг дахь байгалийн эрэлтийг бид Европын авахгүй гэж шийдсэн хийгээр бүрэн нөхөж чадна” гэсэн байна.
ТАСС мэдээллийн агентлагаас мэдээлж байгаагаар Норд Стрим хийн шугамд эвдрэл гарснаар ОХУ Европ тив рүү нийлүүлэх байгалийн хийн нийлүүлэлтээ хумьсантай холбогдуулан Европ тивд өнгөрөгч долоодугаар сарын сүүлээс эхлэн эрчим хүчний хямрал тулгамдсан асуудал болсон гэжээ.
Эх сурвалж: ТАСС