Лхагва гарагт Ипотекийн Банкнуудын Холбооноос танилцуулсан тоон мэдээллээс үзвэл АНУ-д ипотекийн зээлийн хүү 2008 оноос хойш анх удаа 6 хувийг давжээ.
Ипотекийн зээлийн хүү ийн өсөх болсон нь Холбооны Нөөцийн сангаас инфляцын өсөлттэй тэмцэхээр бодлогын хүүгээ тасралтгүй өсгөж буйтай холбоотой юм. АНУ-ын Төв банкны хувьд бодлогын хүүгээ гуравдугаар сараас хойш нийт 225 суурь нэгжээр нэмсэн билээ. Тийнхүү өнгөрөгч долоо хоногт АНУ-д ипотекийн зээлийн хүү 7 суурь нэгжээр өсөж, 6.01 хувьд хүрсэн байна. Энэ нь 2008 онд АНУ-д Эдийн засгийн их хямрал тохиосноос хойш бүртгэгдээгүй өндөр үзүүлэлт юм.
Үйл явдлын хүрээнд зээл авахаар хүсэлт гаргах хүмүүсийн тоо ч буурсан бөгөөд Ипотекийн Банкнуудын Холбооноос мэдэгдсэнээр банканд ирэх зээлийн хүсэлтийн хэмжээ жилийн өмнөхтэй харьцуулахад даруй 64 хувиар буурсан гэжээ.
Гэвч Холбооны Нөөцийн сангаас ирэх долоо хоногт бодлогын хүүгээ дахин 75 суурь нэгжээр өсгөх төлөвтэй байгаа юм.
Эх сурвалж: The Reuters