Лхагва гарагт ОХУ төв Украины хамгийн том хот болох Кривий Ріг рүү пуужин харвасан билээ. Тэгвэл пүрэв гарагт Украины ерөнхийлөгч Володимир Зеленський дайны тухай ээлжит дүрс бичлэг бүхий мэдэгдэл хийхдээ ОХУ-д хандаж, “Ач зээ нар чинь та бүгдээс ичих болно” гэж хэлжээ.
Түүний хэлснээр, “Өнөөдөр та бүгдийн харвасан пуужин Кривий Рiг, Карачуновчкийн усан сангийн даланг онолоо. Энэ бол байлдааны ямар ч ашиггүй дайралт. Харин олон зуун мянган жирийн иргэний амиар яригдах асуудал.
Энэ бол дайнд мөн түүхийн хувьд ОХУ ялагдах бас нэгэн шалтгаан. Түүхийг зэрлэгүүд биш хүмүүс бичдэг. Харин манай нутаг дэвсгэрт дайран орж ирээд манай газар нутаг руу пуужин харвасан хүмүүсийг түүхэнд юу гэж дурсан санах вэ? Та нарыг сул дорой, хүчин мөхөс хүмүүс гэж санан дурсах болно. Та нар бол сул дорой, хүчин мөхөс хүмүүс. Тиймдээ ч жирийн ардын эсрэг дайн өдөөж байгаа. Байлдааны талбараас зугтдаг та нарыг түүхэнд алсаас хохирол учруулах гэж оролдсон хорон санаатнууд гэж дурсах болно.
Та нарыг алан хядагчид хэмээн дурсаж, ач зээ нар чинь та нараас ичих болно.
Орос цэргүүдийн хувьд манай нутаг дэвсгэрээс амьд гарах цор ганц арга зам нь Украины цэргүүдтэй тулах юм. Энэ бол тэдний хувьд амьд үлдэх цор ганц хувилбар” гэжээ.
Эх сурвалж: Украинская Правда