1998 оны NBA финалын нээлтийн тоглолтын үеэр домогт тамирчин Майкл Жорданы өмсөж тоглосон “Last Dance” өмсгөл 10.1 сая ам.доллароор худалдаалагджээ. Улмаар тус өмсгөл нь түүхэнд хамгийн өндөр үнэ хүрсэн спортын эд өлгөөр нэрлэгдэх болсон байна.

Өмсгөлийг худалдаалах дуудлага худалдааг зохион байгуулсан Sotheby’s компаниас мэдэгдсэнээр дуудлага худалдаа спорт сонирхогчид хийгээд спортын холбогдолтой эд өлөг цуглуулагч нарын дунд маш их догдлол, хүлээлт үүсгэсэн гэнэ.

Тийнхүү өмсгөлийг авах нийт 20 санал ирснээс хамгийн өндөр санал 10.1 сая ам.доллар хүрчээ.

Майкл Жорданы өмсгөл 10.1 сая ам.доллароор худалдаалагдахаас өмнө дэлхийн хамгийн үнэтэй спортын эд өлгөөр хөл бөмбөгийн од Диего Марадонагийн 1986 оны Дэлхийн аваргын үеэр өмсөж байсан өмсгөл нэрлэгдэж байжээ.

Эх сурвалж: BBC