Саяхан iPhone 14 утас худалдаанд гарснаар техник технологийн дэвшилтэй хөл нийлүүлэн алхахыг хүсдэг хэрэглэгч нарт нэгэн асуулт ургасан билээ. Ухаалаг утасны салбарт мөнхийн өрсөлдөгчид болсон Samsung, Apple хоёр брэндийг харьцуулах нь бараг ёс болсон гэлтэй.
Тэгвэл бид танд Galaxy S22 загварын утасны iPhone 14 утаснаас илүүрхэх 3 үзүүлэлтийг хэлж өгье.
120 герцийн дэлгэц
Ухаалаг утасны дэлгэцийн герц өндөр байх тусам секундэд хүлээн авах зурган мэдээллийг тоо нэмэгдэж, дэлгэцээр үзүүлэх дүрсний чанар илүү өөгүй, шилжилт нь хүний нүдэнд мэдэгдэхээргүй хурдан болдог. Тэгвэл Galaxy S22 загварын дэлгэц 120 герц бол iPhone 14 утасны Pro, Pro Max загварууд л 120 герцийн дэлгэцтэй ажээ. Харин iPhone 14 загвар 60 герцийн OLED дэлгэцтэй юм.
Galaxy S22 загварын хувьд цэнэг хадгалах горим дээрээ дэлгэцийн герцийг 48 хүртэл бууруулдаг тохиргоотой бол iPhone 14 утасны Pro загварууд л ийм тохиргоотой байна.
25 ваттын цэнэглэгч
iPhone 14 утсанд дагалдах цэнэглэгч 20 ваттын тогоор ажиллаж, цахилгаанаас USB-C оролт уруу тог дамжуулан утсыг цэнэглэдэг. Энэ нь iPhone 13 загвараас огт өөрчлөгдөөгүй юм. Харин Galaxy S22 загварын цэнэглэгч 25 ваттын тогоор ажиллаж, USB-C оролтоос USB-C оролт уруу тог дамжуулан цэнэглэх тул iPhone 14 утаснаас илүү хурдан цэнэг ордог.
СИМ карт унших
Сүүлийн үед хүмүүс биет СИМ картыг хэрэглээнээс гаргаж байгаа ч, дэлхий даяар СИМ карт хэрэглэхээ болиогүй билээ. Гэвч iPhone 14 утасны хувьд СИМ карт унших хэсгийг бүхэлд нь алга болгосноор олон хэрэглэгчээс шүүмжлэл хүртэх болсон байна.
Эх сурвалж: Tom's Guide