Хятад улсын зүгээс Тайваньд их хэмжээний зэвсэг нийлүүлсэн АНУ-ын батлан хамгаалахын Raytheon Technologies болон Boeing Defense компанийн гүйцэтгэх захирлуудад хориг арга хэмжээ авахаа орон нутгийн цагаар 16-ны өдөр мэдэгдэв.
Хятадын ГХЯ-ны хэвлэлийн төлөөлөгч Мао Нин ээлжит хэвлэлийн бага хурлын үеэр, зөвхөн Raytheon Technologies компанийн ТУЗ-ийн дарга бөгөөд гүйцэтгэх захирал Грегори Хэйс, болон Boeing батлан хамгаалах, сансрын аюулгүй байдлын компанийн ерөнхийлөгч бөгөөд гүйцэтгэх захирал Тед Колберт нарт хориг тавьсан гэж мэдэгдсэн ч хориг арга хэмжээний талаар тодорхой мэдээлэл өгөөгүй байна.
Гэвч дээр дурдсан хоёр гүйцэтгэх захирал болон тэдний толгойлдог уг хоёр компанид хориг арга хэмжээ хэрхэн нөлөөлөх нь тодорхойгүй байгаа ч энэ мэт хориг арга хэмжээнүүд ихэнхдээ бэлгэдлийн шинж чанартай болчихдог талтай.
Өнгөрсөн долоо хоногт АНУ Тайваньд 355 сая ам.доллароор хэмжигдэх Boeing “Harpoon” пуужин, мөн 85 сая ам.долларын Raytheon “Sidewinder” пуужин зэргийг оролцуулаад нийт 1,09 тэрбум ам.долларын үнэ бүхий зэр зэвсэг нийлүүлэхээ мэдэгдсэн билээ.
"Бид АНУ-ын засгийн газар болон холбогдох талуудаас Тайваньд зэвсэг худалдах, цэргийн харилцаа холбоо тогтоохоо зогсоож, Тайванийн хоолойд хурцадмал байдалд хүргэж болзошгүй шинэ хүчин зүйл үүсгэхгүй байхыг дахин уриалж байна" гэж Мао Нин мөн өгүүлэв.
Өнгөрөгч хоёрдугаар сард Тайванийн пуужингийн довтолгооноос хамгаалах системийг хадгалах 100 сая долларын гэрээнд гарын үсэг зурсных нь төлөө Raytheon болон Lockheed Martin компаниудын эсрэг мөн хориг арга хэмжээ авахаа Хятадын тал зарласан билээ.
Эх сурвалж: Newsis
Тэр их Зэвсэг Хятадын эсрэг чиглэнэ. Хятад манж зан гаргалгүй Оростой тууштай нэгдэж, далайн чанад дахь гүрний хандыг хага дарахгүй бол хожимдоно!
Муу хөсриы орос ялначууд эцэстээ бүгд энэ шиг гитдын троллууд бсн нь ингэж илчлэгддэг Оросууд биднии ах оросууд монголыг хятадаас хамгаалж бгаа гх мөртөө тэр дайсан хятадыг нь хандыг хага дарах ингэж тэчяадаж бгааг харчихаарай