Intuitive Machines сарны технологи хөгжүүлэгч компани SPAC тусгай зориулалтын компаниар дамжуулан 1 тэрбум ам.долларын үнэлгээтэйгээр нээлтэй компани болох гэж буйгаа Баасан гарагт зарлажээ.

SPAC гэдэг нь аливаа компанитай нэгдэх замаар тухайн компанийнхаа хувьцааг гарган нээлттэй болгодог, өөр ямарваа үйл ажиллагаа эрхэлдэггүй тусгай компани юм. Intuitive Machines өдгөө хувьцаа гаргахдаа SPAC төрлийн компаниараа Inflection Point-ийг сонгосон байна. Тус хоёр компани нэгдэх ажиллагаа ирэх оны эхний улиралд багтаж дуусна гэж төлөвлөжээ. Улмаар Intuitive Machines компани Nasdaq бирж дээр LUNR нэрийн дор арилжаалагдаж эхэлнэ.

“АНУ 50 жилийн дараа саран дээр дахин газардах зорилго тавин ажиллаж байна. Intuitive Machines компани саран дээр урт хугацааны дэд бүтэц байгуулахад шаардагдах технологи, үйлчилгээ нийлүүлэх тал дээр хувь нэмрээ оруулахдаа баяртай байх болно” хэмээн тус компанийн хамтран үүсгэн байгуулагч Кам Гаффариан хэллээ. Intuitive Machines нь 2013 онд үүсгэн байгуулагдсан бөгөөд одоогоор 140 орчим ажилтантайгаар сарны технологи хөгжүүлж байна.

Эх сурвалж: CNBC