Европын холбоо өвөлд бэлэн биш байна. Тус холбооны гишүүн орнууд ОХУ-аас байгалийн хий авахгүйгээр өвлийг давбал эдийн засаг нь ихээхэн агшихад хүрнэ гэж ТАСС агентлаг мэдээллээ.
Европын холбоо ирэх өвлийг давахад 10 тэрбум куб метрээс багагүй хэмжээний байгалийн хий дутагдах магадлалтай байна. Тодруулбал, Европын холбоо зарим үйлдвэрээ хэсэгчлэн эсвэл бүрэн зогсоох зэрэг арга хэмжээ авах замаар одоогийн хийн хэрэглээгээ 7-12 тэрбум куб метрээр багасгах шаардлагатай аж. Өнөөдрийн байдлаар Европын холбооны азотын бордоо үйлдвэрлэлийн хүчин чадлын 70 хувь түр зогсолтын байдалд байна. Харин хөнгөн цагаан үйлдвэрлэл 25 хувь, ган хайлуулалт таван хувиар тус тус буурсан гэж үзжээ. “Оросоос байгалийн хий авахгүй бол энэ байдал үргэлжилнэ” гэж Оросын “Яков болон түүний түншүүд” хэмээх зөвлөх, судалгааны байгууллага дүгнэснийг ТАСС агентлаг нийтэлжээ.
Европчууд бусад ханган нийлүүлэгчдээс байгалийн хий худалдаж авах, хийн түлшийг үйлдвэрлэлд ашиглах хэмжээг хязгаарлах зэрэг арга хэмжээ авсны үр дүнд газар доорх хийн агуулахуудаа есдүгээр сарын дунд үеийн байдлаар 85 хувь хүртэл дүүргэж чадсан. Гэсэн ч Европын орнууд Оросын хийнээс хараат байдлаасаа одоо ч салж чадаагүй хэвээр байгаа хэмээн дээрх судалгаанд өгүүлсэн байна.
Эх сурвалж: Rambler.ru
Европ хамгийн олон АЦС, хүрэн нүүрсний сав газартай. Оросын хийгүй амьдарчихнаа. Хямдхан, байгаль орчинд хортой нөлөөгүй болохлоор хий ашиглаад байгаа болохоос юу ч байхгүй дээ биш юмаа.
Недёрланд хий өхөө больсон.Учир нь газар нутаг нь хэт зөөлөн хөрстэй учир доорхи хийг нь ихээр авснаас газар нь доошоо сууж зарим барилга байшингууд хагарч нурах аюултай болсон байна.
Бөлаараад л .тттт. та хд бизнэссийн орон зайгаа алдсан.
Нидерланд болон Грекээс авах бүх хэлэлцээр хийцэн бхчүүлээ.