Мандал Санхүүгийн Нэгдэл нь Sendly-ийн стратегийн хөрөнгө оруулагч боллоо
9 сарын 20. 10:290

Олон улсын онлайн мөнгөн гуйвуулгын үйлчилгээ үзүүлдэг “Sendly ББСБ” ХХК нь нээлттэй компани болохоор нийт хувьцааныхаа 29.97 хувийг олон нийтэд санал болгож нийт 10.05 тэрбумыг татан төвлөрүүлэхээр төлөвлөж байгаа юм.

Тэд Санхүүгийн Зохицуулах Хорооноос зөвшөөрөл авч, энэ сарын 26-ны өдөр Монголын хөрөнгийн бирж дээр IPO хийхээр ажиллаж байна.

Мандал Санхүүгийн нэгдэл нь “Sendly ББСБ”-ийн стратегийн хөрөнгө оруулагч болж, хөрөнгө оруулалтын гэрээнд гарын үсэг зурлаа.

Мандал Санхүүгийн Нэгдэл нь хамгийн том даатгал, хөрөнгө оруулалт, үнэт цаасны компанитай хөрөнгийн зах зээлд хурдтай түрэн гарч буй санхүүгийн групп юм. 2021 онд “Мандал Ирээдүй Өсөлт” нээлттэй сангаас 50.0 тэрбум төгрөг, хаалттай сангаас 30 тэрбум төгрөгийг олон нийтээс татан төвлөрүүлж байсан билээ.

Ийнхүү Мандал Санхүүгийн Нэгдэл нь Sendly-ийн стратегийн хөрөнгө оруулагч болж хамтын ажиллагаа эхлүүлснээр Sendly-ийн цаашдын үйл ажиллагаа, бизнесийн өсөлтөд өндөр хувь нэмэр оруулна хэмээн Sendly-ийн удирдлагын зүгээс мэдэгдлээ.

Энэ мэдээнд өгөх таны сэтгэгдэл?
1
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ