Энэ долоо хоногийн лхагва гарагт АНУ-ын Төв банк буюу Холбооны нөөцийн сан хуралдах товтой байгаа билээ.
Хурлын үеэр бодлого боловсруулагч нарын зүгээс бодлогын хүүг дахин өсгөх эсэх, хэдэн хувиар өсгөх талаар хэлэлцэх юм. Улмаар лхагва гарагт зохион байгуулагдах хурлын хүрээнд Холбооны нөөцийн сан бодлогын хүүгээ гурав дахь сардаа дараалуулан 75 суурь нэгжээр өсгөж магадгүй гэсэн таамаг байгаа ажээ. Хэрэв таамаг батлагдвал АНУ-ын бодлогын хүү 3-3.25 хувьд хүрч, сүүлийн 14 жилийн хугацаан дахь хамгийн өндөр үзүүлэлт болох гэнэ.
Гэвч хэсэг бүлэг шинжээчдийн таамаглаж байгаагаар Холбооны Нөөцийн сан бодлогын хүүгээ 75 суурь нэгжээс их нэгжээр өсгөж магадгүй гэсэн юм. Эдийн засагч нарын үзсэнээр Холбооны Нөөцийн сан энэ оны сүүл гэхэд бодлогын хүүг 4 болон түүнээс дээш хувьд хүргэнэ гэжээ.
Эх сурвалж: AP News