Эрчим хүч, түүхий эдийн үнийн өсөлт болон иенийн ханш сул байгаагаас Японд өргөн хэрэглээний бараа бүтээгдэхүүний үнэ огцом өсч байна.
Тус улсын Дотоод хэрэг, харилцаа холбооны яамны зүгээс өнгөрөгч наймдугаар сарын хэрэглээний үнийн индекс өнгөрсөн оны мөн үетэй харьцуулахад 2.8 хувиар өссөн өнөөдөр буюу 20-ны өдөр зарлажээ.
Энэ нь 2014 оны 10-р сард 2.9 хувиар өсч байснаас хойших хамгийн өндөр түвшин болсон байна.
Гэвч 2014 оны дөрөвдүгээр сард хэрэглээний татварын хувь хэмжээг 5 хувиас 8 хувь болгон нэмэгдүүлснээр үнийн индекс дээрх хэмжээнд хүртлээ нэмэгдсэн гэж тооцвол энэ нь 1991 оны есдүгээр сараас хойших хамгийн өндөр өсөлт гэж Kyodo News болон NHK сувгууд мэдээлэв.
Kyodo News мэдээллийн агентлагийн онцолсноор “Хэрэглээний үнийн индекс сүүлийн 31 жилийн хугацаанд анх удаа өндөр өсөлттэй байгаагийн шалтгаан нь импортын барааны үнэ өссөөр байгаатай холбоотой" гэж дүгнэжээ.
Эх сурвалж: SBS