Adani Group компани баруун Энэтхэгийн Бенгал мужид 3.1 тэрбум ам.долларын хөрөнгө оруулалттай боомт барих тендерт ялжээ.
Тус компанийн үүсгэн байгуулагч, боомтын бизнесээс гараагаа эхлэн олон салбарт тэлснээр өдгөө дэлхийн хоёр дахь тэрбумтан болсон Гаутам Адани ийнхүү дэд бүтэц, ложистик салбар дахь нэр нөлөөгөө улам бэхжүүлж байна. Түүний Adani Ports компани Tajpur боомтын бүтээн байгуулалтын төрийн тендерт ялсан. Нийт 250 тэрбум рупи буюу ойролцоогоор 3.1 тэрбум ам.долларын төсөвтэй тус боомтын барилгын ажилд 150 тэрбум рупи, холбогдох дэд бүтцийн хөгжилд 100 тэрбум рупи зарцуулах болно. Колката хотоос 170 орчим километр зайд орших тус боомт нь 25,000 шууд ажлын байр, 100,000 гаруй шууд бус ажлын байр бий болгоно гэж орон нутгийн захиргаанаас мэдээллээ.
Энэтхэгийн боомтын зах зээлийн 30 хувийг хэдийн атгасан Adani Group хувийн хэвшлийн компани тус тендерт ялсан нь олон улсын бусад бүтээн байгуулалтын хэлэлцээрт нь дэмжлэг болж байна. Тухайлбал Израил дахь Haifa боомтын төсөл, Шри Ланк дахь портын терминал байгуулах хэлэлцээр үргэлжилж байна.
Эх сурвалж: Bloomberg