Amazon.com Inc компани 2025 онд 100 хувь сэргээгдэх эрчим хүч ашигладаг болох зорилт тавьсан. Тус зорилтын хүрээнд 2.7 гигаватт цэвэр эрчим хүч нэмэх хэд хэдэн төслийн ажлаа есдүгээр сарын 21 өдөр зарлалаа.
Улмаар Amazon өчигдөр зарласан 71 шинэ төслийг оруулан тооцвол сэргээгдэх эрчим хүчний салбарт нийт 379 төсөл хэрэгжүүлэхээр болж байна. Эдгээр төсөл нийтдээ 50,000 гигаватт цаг эко эрчим хүч үйлдвэрлэх юм. Өөрөөр хэлбэл Amazon жил бүр 4.6 сая айл өрхийг эрчим хүчээр хангах хэмжээний цахилгаан гарган авна.
Дээрх 71 шинэ төсөл дотор Энэтхэгийн Ражастан мужид 420 мегаваттын хүчин чадалтай гурван том цахилгаан станц, Франц болон Австри дахь дээврийн нарны эрчим хүчний төслүүд, Польшийн анхны нарны салхин сэнсний ферм багтаж байна.
Эх сурвалж: Reuters