Tesla Inc-ийн зарим загварын автомашины цонх хүнийг хавчиж магадгүй тул ойролцоогоор 1.1 сая ширхэг цахилгаан автомашинаа зах зээлээс эргүүлэн татахаар болжээ.
Үүнд 2017-2022 оны Model 3 загварууд, 2020-2021 оны Model Y загвар, 2021-2022 оны Model S болон Model X загварын зарим автомашин хамаарна гэж Үндэсний Замын хөдөлгөөний аюулгүй байдлын албанаас мэдэгдлээ.
Гэмтэлтэй холбоотой ямар нэгэн осол, гэмтэл, нас баралтын талаар мэдээлэл ирээгүй. Үүсээд буй асуудлыг засахын тулд Tesla тухайн тээврийн хэрэгслүүдийн программ хангамжийг шинэчлэх гэж байна. Замын хөдөлгөөний газраас арваннэгдүгээр сарын 15 өдрөөс эхлэн тухайн загварын автомашин эзэмшигчдэд мэдэгдэх захирал хүргүүлнэ гэв.
Tesla энэ оны тавдугаар сард 130,000 орчим тээврийн хэрэгслийг CPU-ийн гэмтэлтэй холбогдох асуудлаар, дөрөвдүгээр сард 600,000 орчим автомашинаа явган зорчигч ойртож буйг анхааруулах дохиолол нь дуугарахгүй байж болох асуудлаар тус тус зах зээлээс эргүүлэн татсан билээ.
Эх сурвалж: Wall Street Journal