АНУ-ын автомашин үйлдвэрлэгч Женерал Моторс компанийн цахилгаан Хаммер автомашиныг худалдан авахаар сонирхох хүмүүсийн тоо олширсоор байгаа ч тэдний зүгээс тус автомашины захиалгыг авахаа зогсоожээ. Учир нь захиалга хэт олширвол Женерал Моторс компанийн үйлдвэрлэлийн хүчин чадлыг давах эрсдэл үүсээд байгаа гэнэ.
Өнгөрсөн оны сүүлээр АНУ-ын ерөнхийлөгч Жо Байден Женерал Моторс компанийн үйлдвэрт зочилж, Хаммер загварын цахилгаан автомашиныг унаж үзсэнээр тус машины захиалгын тоо эрс өссөн юм. Улмаар тэд энэ оны эхний хагаст л гэхэд Хаммер загварын цахилгаан автомашин 400 орчмыг үйлдвэрлэж, захиалагч нарт хүргүүлсэн байна.
Тийнхүү бусад захиалгыг тэд ирэх оны хавраас эхлүүлэн хүргэхээр төлөвлөөд байгаа ба өдгөө тус автомашины “pick-up” загварын 45000, спорт тоноглол бүхий загварын 45000 захиалга байгаа ажээ.
Женерал Моторс компанийн зүгээс дээрх 90000 захиалгыг хэзээ үйлдвэрлэж дуусаад, захиалагч нарт нь хүргүүлж дуусах тухайд тодорхой хугацаа хэлээгүй байна.
Эх сурвалж: CNN