Ford-ийн зууван цэнхэр лого бүхий тэмдгийг үйлдвэрлэгч нь хангалттай олон тоогоор хугацаандаа нийлүүлж чадахгүй байгаа тул Ford-ийн зарим загвар хугацаандаа худалдаанд гарахааргүй болжээ.
Автомашины логоны тэмдэг үйлдвэрлэгч Tribar Technologies компани Мичиган мужийн бохир усны системд химийн хорт бодис асгасан хэрэгт орсны улмаас үйлдвэрлэлийн гарц удааширчээ. Тэр дундаа Ford F-Series загварууд нь илүү ихээр үйлдвэрээс гарахгүй гацаад байна.
Ford-ийн нийлүүлэлтийн сүлжээ нь лого бүхий тэмдгээс гадна бусад олон талаар тасалдсаар байгаа юм. Тус компани 45,000 автомашины багтаамжтай агуулах нь лого, тэмдэг, хагас дамжуулагч зэрэг ямар нэг хэсэг дутуу автомашинуудаар ирэх долоо хоногийн дотор дүүрсэн байх болно гэв. Улмаар нийлүүлэлтийн нэмэлт зардалд 1 тэрбум ам.доллар төсөвлөөд байна.
Эх сурвалж: Morning Brew